سون ویلی بارے اہم حکومتی شخصیت نے بڑا اعلان کردیا


خوشاب نیوز ڈاٹ کام)حمزہ شہبازکی زیر صدارت پنجاب میں سیروسیاحت کے فروغ، تمام موجودہ سیاحتی مقامات کی بین الاقوامی معیار کے مطابق اپ گریڈیشن، نئے مقامات کی تلاش اور مناسب تشہیر سمیت اہم امور پر ٹورازم ڈویلپمنٹ کارپوریشن کا اعلی سطحی اجلاس، حکام کو سون سکیسر ویلی میں عالمی معیار کے مطابق ریزارٹ بناکر بین الاقوامی معیار کی تفریحی سرگرمیاں مہیا کرنے، کھبیکی جھیل کو سٹیٹ آف دی آرٹ بنانے، کم ازکم 3 نئی ٹورسٹ بسوں کی فوری فراہمی، ٹی ڈی سی پی پتریاٹہ ،اچھالی لیک اور دیگر مقامات پر ترقیاتی منصوبے جلد مکمل کرنے کی ہدایات
چئیرمین پبلک افئیرز یونٹ پنجاب حمزہ شہباز نے ہدایت کی ہے کہ وادی سون سکیسر میںعالمی معیار کے مطابق پبلک ریزاٹ اور تفریحی سرگرمیوں کی تشکیل کو یقینی بنایا جائے ،اور پنجاب حکومت کے 194ملین روپے کے ترقیاتی منصوبوں کو مقررہ مدت میںمعیاری انداز میںمکمل کیاجائے ۔آج یہاں ٹو رازم ڈویلپمنٹ کارپوریشن کے اعلی سطح کے اجلاس کی صدارت کرتے ہوئے حمزہ شہباز نے کہاکہ کلرکہار اور خوشاب کے گردوپیش سیاحتی منصوبوں کو جلداز جلد پایہ تکمیل تک پہنچا یاجائے ۔اسی طرح پتریاٹہ چیئر لفٹ کی بحالی و مرمت، اچھالی لیک میںجاگنگ و بائی سائیکل ٹریک ،ریسٹورنٹ کی تعمیر او رماسٹر پلان کے مطابق ترقیاتی منصوبے 30مارچ تک مکمل کئے جائیں اور ان تمام سیاحتی منصوبوں کو معیاری اندازمیں مکمل کیاجائے ۔
حمزہ شہبا زنے کہاکہ صوبہ پنجاب کے ٹورازم منصوبوں میں معیار پر کوئی سمجھوتہ نہیں ہوگا اور کنہالی گارڈن ،کنھٹی باغ ،مری ،اچھالی لیک اور کھبیکی جھیل میںجاری ترقیاتی سکیموں کی وہ خود نگرانی کرینگے تاکہ وہاں جانے والے سیاحوں کو معیاری سہولتیں حاصل ہوسکیں ۔حمزہ شہباز نے ہدایت کی کہ ٹورازم ڈویلپمنٹ کارپوریشن صوبے میںنئے سیاحتی مقامات کی بھی نشاندہی کرے ۔انہوں نے لاہور میں تین نئی ٹور ازم بسوں کی شمولیت کو خوش آئیند قراردیا ۔ اس طرح پتریاٹہ میں 9نئے چیئر لفٹ گینڈ لاگ اور جاری ترقیاتی کاموں کی جلد تکمیل پر اطمنان کا اظہار کیا ۔
اجلا س میں حمزہ شہباز کو ایم ڈی ٹور ازم احمر ملک اور ڈائریکٹر جنرل اربن یونٹ ڈاکٹر ناصر نے شعبہ سیاحت میں جاری ترقیاتی منصوبوں پر تفصیلی بریفنگ دی ،وائس چیئر مین پنجاب ٹو رازم ڈویلپمنٹ کارپوریشن عمران علی گورائیہ نے کہاکہ مقررہ مدت میں منصوبوں کی معیارکے مطابق تکمیل کو یقینی بنایا جائیگا ۔کمشنر سرگودہا نے یقین دلایا کہ خوشاب میںجاری سیاحتی منصوبوں میںکوئی کوتاہی نہیں برتی جائیگی۔ حمزہ شہباز نے ہدایت کی کہ سون ویلی کے آئیندہ تین سالہ فیزiiکے ترقیاتی منصوبوں پر بھی فوری آغازکیا جائے ۔اجلاس کو بتایا گیا کہ ٹی ڈی سی پی کے عوامی دلچسپی کے منصوبوں کو خاصی پزیرائی مل رہی ہے او رلاہور میں سیاحتی بسوں پر 80ہزار وزیٹرز سیر کرچکے ہیں اسی طرح کلر کہار،مری سون سکیسر اور دیگر سیاحتی مقامات پر بھی واضح بہتری سامنے آرہی ہے ۔
محترم قارئین اگرکلک کرنے پر اسطرح کا پیج نظر آئے اور آپ کو خبر کی تفصیلات پڑھنے میں دشواری کا سامنا ہے تو نیچے دیئے گئے طریقہ کار پر عمل کریں

;
سون ویلی بارے اہم حکومتی شخصیت نے بڑا اعلان کردیا سون ویلی بارے اہم  حکومتی شخصیت نے بڑا اعلان کردیا Reviewed by Khushab News on 8:22:00 PM Rating: 5

کوئی تبصرے نہیں:

تقویت یافتہ بذریعہ Blogger.