سیکرٹری زراعت کا دورہ خوشاب کس کے کہنے پر ہوا؟ ژالہ باری متاثرین کے کے لےکیا ہوا؟

خوشاب نیوز ڈاٹ کام) صوبائی سیکٹری زراعت کپٹن (ر) محمد محمود نے کہا ہے کہ حکومت پنجاب صوبہ بھر میں ترقیاتی کاموں کا جال بچھار ہی ہے یہی وجہ ہے کہ شعبہ زراعت میں تبدیلی آرہی ہے اور یہ شعبہ ترقی کر رھاہے وہ ڈی سی اوکانفرنس ہال میں زراعت کے ضلعی حکام اور افسران کے ایک بریفنگ اجلاس سے خطاب کر رہے تھے ۔اجلاس میں اے ڈی سی (ر) بہزاد عادل کے علاوہ زراعت توسیع ،سائل کنزر ویشن،پلانٹ پروٹیکشن،کراپ رپورٹنگ ہارٹیکلچر اور ایگری کلچر اکنامک مارکیٹنگ وغیرہ کے افسران موجود تھے ۔صوبائی سیکرٹری زراعت نے ضلعی افسران سے کہا کہ حکومت پنجاب کی جانب سے آپ کو وسائل مہیا کئے گئے ہیں اس لیے آپ ان وسائل اور اپنی توانا ئیوں کو بروئے کار الاتے ہوئے نیک نیتی اور جذبے کے ساتھ کام کریں اور اپنے فرائض کی انجام دہی میں کوئی کمی یا کوتاہی نہ آنے دیں ۔صوبائی سیکرٹری نے بریفنگ اجلاس میں ڈی او زراعت توسیع کو گنا کاٹنے کی زمینداروں کے ساتھ ساتھ لیبر کو بھی ٹریننگ دینے، گنا کے بیج کی فراہمی کے ضمن میں آگاہی دینے ،فارمر 

رجسٹر یشن کو جلد اپ لوڈ کرنے ،سیپملنگ ٹارگٹ کو جلد پورا کرنے ،وادی سون میں آلو کی پیداوار میں اضافہ کے رحجان پر کسانوں کو آلو کی 
بہتر سے بہتر ورائٹی فراہم کرنے ،  سائل کنزویشن ڈیپارٹمنٹ کو کسان پیکچ کے فنڈز کی صورتحال سے مکمل آگاہ کرنے اور اسے مربوط پلان کی ساتھ استعمال کرنے ،پلانٹ پروٹیکشن ڈیپارٹمنٹ کو ان کی کارکردگی بڑھانے ،فصلات کے معائنہ کے لیے زیادہ سے زیادہ دورے کرنے اور جہاں گاڑی نہیں جاسکتی وہاں موٹر سائیکل پر جانے کی ہدایت کی ۔ اُنھوں نے بتایا کہ اس سال زیتون پراجیکٹ کے تحت 20ہزار پلانٹ زمینداروں کو دیئے جائیں گے صوبائی سیکرٹری نے ایگریکلچر اکنامک مارکیٹنگ کے زراعت افسر کو صفائی ستھرائی اور ریونیو بٹرھانے ،کسانوں کو بہتر سروسز مہیا کرنے ،کراپ رپور ٹنگ کے آ فیسر کو فصلات کے درست اعدادوشمار اکٹھے کرنے کی بھی ہدایت کی گئی ۔صوبائی سیکرٹری نے کہا ہے کہ محکمہ زراعت کا تعلق براہ راست زمینداروں اور کسانوں سے ہوتاہے لہذا آپ افسران کسانوں کو بارشوں کے پانی کو سٹور کرنے اور دستیاب محدود میٹھے پانی کو بہتر طریقے سے استئعمال کرنے کی آگاہی دیں ۔قبل ازیں شعبہ زراعت کے تمام افسران نے اپنے اپنے محکوں کی کارکردگی کے ضمن میں صوبائی سیکرٹری کو تفصیل سے بریفنگ دی ۔ یہاں یہ امر قابل ذکر ہے کہ سوشل میڈیا پر ضلع کے بعض سیاستدانوں کی جانب سے سیکرٹری زراعت کے دورے کو گزشتہ روز پیلووینس میں ہونیوالی بد ترین ژالہ باری سے فصل چنا کو پہنچنے والے نقصان کے سلسلہ میں پیش کرکے کریڈٹ لینے کی کوشش کی جارہی ہے حالانہ سیکرٹری زراعت کا یہ دورہ پہلے سے طے شدہ اور معمول کے مطابق تھا اور ان کی جانب سے ژالہ باری سے متاثرہ کسانوں بارے کسی قسم کے کسی ریلیف یا تخمینہ وغیرہ کا ذکر تک نہیں کیا گیا۔
Image result for download
;
سیکرٹری زراعت کا دورہ خوشاب کس کے کہنے پر ہوا؟ ژالہ باری متاثرین کے کے لےکیا ہوا؟ سیکرٹری زراعت کا دورہ خوشاب کس کے کہنے پر ہوا؟ ژالہ باری متاثرین کے کے لےکیا ہوا؟ Reviewed by Khushab News on 8:05:00 PM Rating: 5

کوئی تبصرے نہیں:

تقویت یافتہ بذریعہ Blogger.