خوشاب آمد پر مریم نواز کا فقید المثال استقبال کیا جایگا، ملک منیر طاہر

Image may contain: 1 person, smiling, suit
خوشاب نیوز ڈاٹ کام)    پاکستان مسلم لیگ ن جوہرآباد سٹی کے صدرملک منیر طاہر اعوان ایڈوکیٹ نے کہا ہے کہ ضلع خوشاب پاکستان مسلم لیگ ن کا مضبوط قلعہ ہے اور انشاء اﷲ چار اگست کو محترمہ مریم نواز شریف کی خوشاب آمد پر اُن کا فقید المثال استقبال کیا جائے گا اور ضلع خوشاب کے غیور عوام ثابت کر دیں گے کہ حکومتی پروپیگنڈہ اور انتقامی پالیسیوں کے باوجود ضلع خوشاب کے عوام مسلم لیگ ن کیساتھ ہیں اور اس کے قائدین پر بھرپور اعتماد کرتے ہیں۔ محترمہ مریم نواز شریف کی آمد کے سلسلہ میں مسلم لیگ ن کےکارکنوں سے خطاب کرتے ہوئے انہوں نے کہا کہ محترمہ مریم نواز عوام کا درد محسوس کرتے ہوئے حکومت کی عوام دشمن پالیسیوں کا راستہ روکنے کیلئے میدانِ عمل میں ہے اور ملک کے گوش و کنار میں اُن کا فقید المثال استقبال کیا جا رہاہے۔ جو پاکستان مسلم لیگ ن کی عوامی مقبولیت کی دلیل ہے۔ انہوں نے کہا کہ عوام دشمن پالیسیاں کے ذریعے غریب عوام کو مہنگائی کے سونامی میں ڈبونے والوں کو عوام معاف نہیں کرینگے اور وہ وقت دور نہیں جب حکومتی پالیسیوں کے ڈسے ہوئے عوام حکمرانوں سے اپنی محرومیوں کا انتقام لیں گے۔انہوں نے بتایا کہ آج شام کو مسلم لیگ ن کے زیر اہتمام محترمہ مریم نواز کی آمد کے حوالے سے جوہرآباد میں ایک عظیم الشان ریلی بھی نکالی جائے گی۔ -
خوشاب آمد پر مریم نواز کا فقید المثال استقبال کیا جایگا، ملک منیر طاہر خوشاب آمد پر مریم نواز کا فقید المثال استقبال کیا جایگا، ملک منیر طاہر Reviewed by Khushab News on اگست 03, 2019 Rating: 5
تقویت یافتہ بذریعہ Blogger.