حکومتی پالیسیوں سے معیشت تباہ، عوام بد حال ہورہے ہیں، غلام حسین شاہد

 خوشاب نیوز ڈاٹ کام )مسلم لیگ ن یوتھ ونگ پنجاب کے صدر میاں غلام حسین شاہد نے کہا ہے کہ مسلم لیگ ن کی قیادت کو کسی این آر اور کی ضرورت نہیں ہے بلکہ موجودہ نااہل حکومت اپنے لیے این آر او کی طلب گار ہے ان خیالات کا اظہار انہوں نے خوشاب میں مقامی صحافیوں سے مسلم لیگ ن یوتھ ونگ کے ضلعی صدر چوہدری شجاع الرحمن ٹیپو کو انکی رہائش گاہ خوشاب پر انہیں حج کی سعادت حاصل کرنیکی مبارکبا د کے لیے آمد کےموقع پر کیا ۔ اس موقع پر حاجی ملک محمد فیاض نایچ بھی موجود تھے۔ غلام حسین شاہد نے کہا کہ نااہلوں کی ناقص حکومتی پالیسیوں سے معیشت تباہ، عوام بیروزگارہورہے ہیں۔یہ جھوٹے حکمران قوم کو سہانے خواب دکھاکر ملک کو مسائل کی دلدل میں دھکیل چکے ہیں، نااہل و نالائق حکومت کی غلط پالیسیوں کے باعث ملکی معیشت تباہ اور عوام بیروزگار ہوگئے ہیں حکومتی اقدامات کے باعث تاجر برادری سمیت ہر طبقہ پریشانی کا شکار ہے ۔انہوں نے کہاکہ مسلم لیگ ن کی قیادت کو کسی این آر اور کی ضرورت نہیں ہے،بیساکھیوں کے سہارے اقتدار میں آنیوالے عمران خان کے پاس ملکی ترقی و خوشحالی کا کوئی ویژن نہیں ہے، عوام ناکام حکومتی پالیسیوں سے تنگ آکر جلد سڑکوں پر ہونگے حکومت نے با اثر لوگوں کے ذمہ کھربوں روپے ایک آرڈیننس کے ذریعے معاف کر کے پاکستان کے غریب اور پسے ہوئے طبقے پر ڈرون حملہ کیا ہے۔ مسلم لیگ ن یوتھ ونگ پنجاب کے صدر نے مزید کہا کہ سرکاری ہسپتالوں میں مفت ادویات اور ٹیسٹوں کی سہولت ختم کردی گئی ہے اور محکمہ صحت کو سیاسی اکھاڑہ بنا کر رکھ دیا گیا ہے ۔
حکومتی پالیسیوں سے معیشت تباہ، عوام بد حال ہورہے ہیں، غلام حسین شاہد حکومتی پالیسیوں سے معیشت تباہ، عوام بد حال ہورہے ہیں، غلام حسین شاہد Reviewed by Khushab News on 8:50:00 PM Rating: 5
تقویت یافتہ بذریعہ Blogger.